Hafan

Rydym wrthi’n gweithio ar gynllun terfynol, ar ôl gwrando ar farn trigolion, cyrff arbenigol a chynrychiolwyr etholedig a chymryd y rhain i ystyriaeth lle bo modd.

Mae ein golygfannau rhyngweithiol a’n ffilmiau gyrru trwodd yn dangos sut y gallai’r ail gysylltiad o Wylfa Newydd ar Ynys Môn i Bentir yng ngogledd Gwynedd edrych.

Mae angen i ni gwblhau cynllun terfynol erbyn yr hydref, yn barod i wneud ein cais am ganiatâd i’r Arolygiaeth Gynllunio, a byddwn yn rhoi gwybod i’r cymunedau pan fydd hyn yn digwydd. Cewch ddarllen mwy am y broses ymgeisio yma.

Gallwch gofrestru i gael y newyddion diweddaraf yma neu ein dilyn ar Twitter. Os bydd arnoch angen rhagor o wybodaeth, gallwch ffonio’r tîm cysylltiadau cymunedol ar 0800 990 3567.

Newyddion diweddaraf am lwybrau’r traffig adeiladu

Rydym wrthi’n asesu’r ymateb a gawsom i’r addasiadau i’r llwybrau y bwriadwn eu defnyddio ar gyfer traffig adeiladu wrth godi’r ail gysylltiad. Bydd yr ymateb hwn yn ein helpu i benderfynu ar y llwybrau terfynol ar gyfer traffig adeiladu cyn i ni gyflwyno’n cais i’r Arolygiaeth Gynllunio yn yr hydref. Cewch wybod mwy yma.

Ein gwaith yn ardal Afon Menai 

Er mwyn symud ymlaen â’n cynlluniau ar gyfer twnnel o dan Afon Menai, mae angen i ni gynnal nifer o archwiliadau fel y byddwn yn deall mwy am y ddaeareg a chyflwr y ddaear. Rydym wedi gwneud cais am drwydded forol i ganiatáu i ni wneud y gwaith. Fe welwch gopi o’n cais a’r dogfennau ategol yma.